Ano ang GCash Account Ownership Limit?

Ang Account Ownership Limit ay nagbibigay-daan sa’yo na magkaroon ng hanggang limang (5) fully verified personal GCash accounts na nakapangalan sa’yo.

Kapag na-reach mo na ang limit na ito, hindi ka na puwedeng gumawa, gumamit, o mag-access ng additional accounts, ayon sa GCash Terms and Conditions.

Pwede pa ba akong gumawa o gumamit ng isa pang GCash account kung may lima (5) na ako?

Hindi. Kung mayroon ka nang limang (5) fully verified personal GCash accounts na nakapangalan sa’yo, hindi ka na pwedeng gumawa, magdagdag, gumamit, o mag-access ng isa pang account.

Kung mayroon kang higit sa limang (5) accounts under your name

Maaaring makatanggap ka ng "Account Limits Exceeded" na message sa inbox ng iyong GCash app.

Kapag natanggap mo ang message:

• I-tap ang link sa message para makontak ang support team namin.
• Ipapadala namin sa’yo ang listahan ng mga GCash account na nakarehistro sa pangalan mo.
• Mag-reply gamit ang account number na hindi mo na gustong gamitin.
• Kung may natitira pang funds sa account, ililipat namin ang remaining balance sa isa mo pang active GCash account na nakapangalan sa’yo.

Kung alam mo na kung aling accounts ang hindi mo na kailangan

Pwede kang magsubmit ng account deletion request para ma-deactivate ang mga account na iyon. Tingnan ang Delete or close my old GCash account para sa mga steps.