Paano gumawa ng GTourist account sa GCash

Traveling to the Philippines? Gumawa ng GTourist account sa GCash para makapagbayad sa mga stores sa buong bansa.

Mga dapat malaman tungkol sa GTourist

• Kailangan mo ng non-Philippine mobile number o SIM para makapag-sign up.
• Pwede kang gumawa ng account bago dumating sa Pilipinas, pero maa-activate lamang ito kapag nasa Pilipinas ka na.
• Valid ang iyong account sa loob ng 30 araw at automatic na made-deactivate pagkatapos nito.
• Para sa basic account, kailangan mo lang ng valid na Visa o Mastercard credit o debit card na nakapangalan sa iyo.
• Para sa fully verified account, kailangan mo ang iyong foreign passport.
• Kasalukuyang available ang GTourist sa mga piling bansa. Unti-unti naming itong iro-roll out sa mas marami pang bansa. Tingnan sa ibaba ang listahan ng mga bansang kung saan available ang GTourist.

Paano gumawa ng GTourist account

1. I-download ang GCash app mula sa App Store para sa iOS o Google Play para sa Android.
2. Buksan ang app, ilagay ang iyong mobile number, at payagan ang pagbabahagi ng iyong lokasyon.
3. Ilagay ang six-digit OTP na ipinadala sa iyong mobile number. Make sure na naka-enable ang roaming ng iyong SIM para matanggap ang code.

4. I-tap ang For Visiting Foreigners.

   

5. Ilagay ang iyong personal na impormasyon ayon sa eksaktong nakalagay sa iyong passport, kabilang ang iyong middle name, if applicable.
6. I-set ang iyong MPIN.
7. Sa GCash Tourist Page, i-tap ang Link a Card para makapagsimulang magbayad sa mga stores sa Pilipinas.
8. Ilagay ang mga detalye ng iyong Visa o Mastercard card.
9. Kapag successful na na-link ang iyong card, mapupunta ka sa GCash Tourist Dashboard.