Paano mag-verify ng GCash Overseas account

Pagkatapos gumawa ng iyong GCash Overseas account, i-verify ito para magamit ang mga services ng GCash.

Mag-verify gamit ang Philippine ID

1. Buksan ang GCash app.
2. Ilagay ang iyong mobile number at MPIN.
3. I-tap ang Get Started, pagkatapos ay basahin ang mga paalala.
4. Ilagay ang kinakailangang impormasyon, pagkatapos ay i-tap ang Next.
5. Pumili ng isang valid na Philippine government-issued ID:
   • National ID (card, papel, o digital)
   • Passport
   • HDMF (Pag-IBIG Loyalty Plus)
   • Driver’s License o BLTO Driver’s License
   • Philippine Postal ID
   • PRC ID
   • UMID
   • SSS ID
6. Kumuha ng malinaw na larawan ng iyong original na ID, pagkatapos ay i-tap ang Submit.
7. I-tap ang Next at kumpletuhin ang selfie scan.
8. Ilagay ang kinakailangang impormasyon, pagkatapos ay i-tap ang Next.
9. I-review ang iyong impormasyon, pagkatapos ay i-tap ang Submit.
10. Maghintay ng SMS tungkol sa status ng iyong application.

Mag-verify gamit ang foreign ID

Maaari ka ring mag-submit ng isa sa mga sumusunod na valid na foreign government-issued ID:

• Emirates ID (UAE)
• Iqama (Saudi Arabia)
• Kuwait Civil ID Card (Kuwait)
• State of Qatar Residency Permit (Qatar)
• USA Passport
• UK Passport
• Permanent Resident Card (Canada)
• Electronic Identity Card (Italy CIE)
• Permesso di Soggiorno (Italy Residence Permit Card)

Tips sa pag-submit ng iyong foreign ID

• Mag-submit ng malinaw at readable photo ng iyong original at valid na ID.
• Siguraduhin na nakalagay sa iyong ID ang buong pangalan, nationality, at birthdate mo.
• Siguraduhin na match ang larawan sa iyong ID sa iyong selfie.
• Ilagay ang iyong personal na impormasyon nang eksakto kung paano ito nakalagay sa iyong ID.

Pagkatapos mong mag-submit ng iyong foreign ID, maghintay ng email na may instructions kung paano mag-submit ng iba pang documents. Maaaring kabilang dito ang:

• PSA Philippine Birth Certificate
• PSA Philippine Marriage Certificate
• Luma o mga lumang Philippine passport
• Certificate of Filipino Citizenship (Reacquisition/Retention) na issued ng DFA o Bureau of Immigration
• Non-original copy o photocopy ng valid na Philippine passport
• Voter’s ID o voter’s affidavit
• Luma o expired na Philippine IDs na nagpapakita ng iyong Philippine nationality, tulad ng Philippine Postal ID o Philippine Driver’s License

Paano mag-request ng PSA documents

Para mag-request ng PSA documents, visit PSAHelpline GCash Overseas page.

Maaari kang magbayad gamit ang GCash o credit card. Pagkatapos magbayad, i-verify ang iyong identity gamit ang iyong foreign passport o ID.

Pagkatapos ma-verify ang iyong identity, maaari mong tingnan ang iyong digital document sa E-Cert Portal. Kung kailangan mo ng printed copy, piliin ang gusto mong courier at bayaran ang delivery fee. Pagkatapos, i-tap ang Schedule Pickup para i-upload ang waybill.