Nawala ang phone o SIM ko kung saan naka-register ang GCash account ko. Anong dapat kong gawin?

Kung nawala ang SIM o phone mo kung saan naka-register ang GCash account, panoorin ang video at sundan ang mga steps sa ibaba: 

I-report ang nawawalang SIM o phone para ma-secure ang funds

Click here to ask for help para i-report ang pagkawala nito. Pansamantalang magiging blocked ang GCash account mo para sa iyong security.

Kapag na-block ang account mo, hindi ka makakapag-log in habang naka-secure ito.

Tandaan ang ticket number galing sa customer service representative para sa mas mabilis na pag-access ng account kapag for unblocking na ito.

Anong pwedeng gawin pagkatapos mag-report?
Pwede kang mag-request ng bagong SIM na may parehong number mula sa telecom provider mo o bumili ng bagong SIM na may ibang number.

Kung gusto mong gamitin ang parehong number:

Para sa SMART at TNT users:

1. Pumunta sa store.
2. Magdala ng isang valid ID bilang proof of identity. Dapat kasama dito ang pangalan mo, photo, ID number, pirma, at issuing entity.

Para sa Globe users:

1. Pumunta sa store.
2. Magdala ng mga sumusunod na documents:
   • Para sa Postpaid: Isang original Government-issued ID.
   • Para sa Prepaid: Notarized Affidavit of Loss (standard) na naglalaman ng mga sumusunod: Customer name, citizenship, address, customer signature, mobile number, at incident details (paano, bakit, kailan, at saan nawala ang phone o SIM)
   • Dalawang original Government-issued IDs na ipinakita during affidavit notarization.

Para sa GOMO users:

1. Ihanda ang mga sumusunod: notarized affidavit of loss, selfie ng owner kasama ang affidavit of loss, at 2 valid IDs.
2. Mag-submit ng requirements sa GOMO via email. Pwede mong tingnan ang updated email address ng network provider mo.

Para sa DITO users:

1. Pumunta sa store.
2. Dalhin ang sumusunod na documents: notarized affidavit of loss at isang government-issued ID.

Once available na ang replacement SIM mo, kumuha ng photo ng mga sumusunod: isang accepted valid government ID, at isang malinaw na photo ng sarili na hawak ang valid ID mo. Access email mo at ilagay ang 8-digit reference number na ibinigay noong nag-request ka ng account blocking. Mag-request ng unblocking ng iyong account at i-upload ang ID at selfie kasama ang ID sa email. Hintayin ang email reply regarding sa account status mo within 48 hours.

Kapag gusto mong gumamit ng bagong number:

Siguraduhing Fully Verified ang new number mo.

Pwede kang mag-request na i-transfer ang funds mula sa old number mo papunta sa new number. Tandaan na ang mga sumusunod na products lang ang maipalilipat mula sa old account mo:

• Lending (GGives, GCredit, GLoan)
• GSave
• GInvest
• GCrypto
• GFunds

Kailangan mong mag-submit ng mga sumusunod na documents:

• Photo ng isa (1) valid government-issued ID (link out to acceptable IDs)
• Selfie kasamang valid ID
• Kung hindi fully verified ang luma mong number, kailangan mo ring kumuha ng notarized affidavit of loss.

Mga steps para ma-process ang transfer ng funds at services sa new number mo:

1. Ihanda ang photo ng valid ID, selfie, at notarized affidavit of loss (required lang ang affidavit kung Basic GCash account ang luma mong number) para sa submission.
2. I-access ang e-mail mo at hanapin ang GCash reference number na na-generate nung nag-request ka ng blocking ng account mo
3. I-reply ang e-mail gamit ang mga documents mo, at ang mobile number kung saan mo gustong i-transfer ang funds at services.

Hintayin ang update mula sa GCash Support Team sa loob ng 24 oras.

Need more Help?